Қостанай облыстық фтизиопульмонология орталығы жанындағы мектепте оқу жылының аяқталуына орай салтанатты іс-шара өтті.

Салтанатты бөлім Қостанай облыстық фтизиопульмонология орталығының директоры Молдатаева Ж.Ж.-ның құттықтау сөзінен басталды. Өз сөзінде ол медициналық қызметкерлер мен педагогикалық ұжымға шынайы алғысын білдіріп, оқу жылының аяқталуымен барлық қатысушыларды жылы лебізімен құттықтады, оқушыларға мықты денсаулық пен жарқын өмір жолын тіледі.
Ерекше ықылас пен құттықтаулар түлектерге арналды. Оларға қолдау мен ризашылықтың белгісі ретінде сыйлықтар табыс етіліп, оқу жылының сәтті аяқталуын қуаныш пен жылылыққа толы әсерге айналдырды.

Барша оқушыларды, ата-аналарды және ұстаздарды оқу жылының аяқталуымен шын жүректен құттықтаймыз! Жаз мезгілі жарқын, мейірімді және шабытқа толы болсын!