КГП «Поликлиника №4» базасында «Туберкулез және диабет: өзіңді қалай қорғауға болады?» тақырыбында семинар-тренинг өтті

 КГП «Поликлиника №4» базасында «Туберкулез және диабет: өзіңді қалай қорғауға болады?» тақырыбында семинар-тренинг өтті

Дүниежүзілік туберкулезге қарсы күрес күніне орай ұйымдастырылған айлық аясында Қостанай қаласындағы КГП «Поликлиника №4» базасында «Туберкулез және диабет: өзіңді қалай қорғауға болады?» тақырыбында семинар-тренинг өткізілді.

Іс-шараның мақсаты – ересек тұрғындарды туберкулез бен диабеттің өзара байланысы, қауіп факторлары және алдын алу шаралары туралы ақпараттандыру.

Семинар барысында қатысушылар:
✔ Диабеттің иммунитетке қалай әсер ететінін және туберкулездің даму қаупін қалай арттыратынын білді.
✔ Туберкулездің негізгі белгілері, диагностикасы және емдеу әдістері туралы мәлімет алды.
✔ Қауіптің алдын алу үшін дұрыс тамақтану мен салауатты өмір салтын ұстанудың маңыздылығын түсінді.
✔ Уақытылы тексеріліп, вакцинация жасаудың қажеттілігін ұғынды.

Іс-шара дәрістер мен интерактивті талқылау форматында өтті. Мамандар қатысушылардың сұрақтарына жауап беріп, ақпараттық материалдар таратты.

Осындай бастамалар халықтың ақпараттандырылуын арттырып, аурулардың алдын алуға көмектеседі.