Бүгін, 24 наурыз - Дүниежүзілік туберкулезге қарсы күрес күні!
Қостанай облысында туберкулезге қарсы күрес жөніндегі республикалық айлықтың соңында дөңгелек үстел өтіп, оның барысында ведомствоаралық өзара іс-қимыл және облыстағы туберкулез бойынша эпидемиологиялық жағдайды жақсарту мәселелері талқыланды.
Дөңгелек үстелге Қостанай облысы әкімдігінің денсаулық сақтау басқармасының, санитарлық-эпидемиологиялық бақылау департаментінің, Қостанай облыстық фтизиопульмонология орталығының, Қостанай облыстық ЖИТС-тің алдын алу және оған қарсы күрес орталығының, Қостанай қаласының МСАК ұйымдарының басшылары мен мамандары қатысты.